Мин кулыма китап алам

2021 елның 19 ноябре, җомга

Китаплар күп сорауларга җавап бирергә ярдәм итә, алар безнең якын дуслар. Китапка мәхәббәт бала күңелендә кечкенәдән үк салынырга тиеш. Эзмә авыл җирлегенең Эзмә мәдәният йорты хезмәткәрләре Иләбәр авыл китапханәсе белән берлектә «Мин кулыма китап алам» дип исемләнгән әдәби-интеллектуаль уен оештырдылар. Катнашучылар ике командага бүленде. Туган тел һәм Халык бердәмлеге елына багышланган чарада балалар сорауларга җаваплар, табышмаклар эзләделәр, төрле халыкларның әкиятләрен белделәр, мәкальләр һәм әйтемнәр өлкәсендә ярыштылар. Балалар әкият дөньясына чумдылар кебек.