Һөнәри бәйрәм котлавы
Хөрмәтле финанс хезмәткәрләре! Сезне һөнәри бәйрәмегез белән ихлас котлыйбыз. Хәзерге шартларда финанс системасы җәмгыять тормышында аеруча зур роль уйный. Финанс, бюджет, акча әйләнеше – дәүләтнең көзгесе, икътисадый хәлен күрсәтүче барометр. Акча ресурсларын дөрес бүлү, чыгымнарның нәтиҗәлеге, финанс вәзгыятен ныклы контрольдә тоту һәрчак зур әһәмияткә ия һәм шушы бурычларны үтәүдә районыбызның финанс-бюджет тармагы хезмәткәрләре күп тырышлык куя. Алга таба да тармак хезмәткәрләренең үзләренә йөкләнгән бурычларны үтәүдә барлык тупланган тәҗрибәләрен, эш алымнарын камилләштерә барачакларына ышанабыз. Районыбыз финанс хезмәткәрләрен һөнәри бәйрәмнәре белән котлап, яхшы сәламәтлек, бәхет, җаваплы хезмәтләрендә уңышлар телибез.
Саба муниципаль районы Советы һәм башкарма комитеты.