Өтернәс клубын ремонтлау дәвам итә

Бронхиаль астма – киң таралган авыру. Соңгы еллардагы эпидемиологик тикшеренүләр дөньяда 100 миллионга якын кешенең төрле дәрәҗәдәге бронхиаль астма белән авырганын күрсәтә, Россиядә 7 миллионга якын кеше авырый. Бездә дә, чит илләрдә дә астма белән авыручылар саны арта бара. Бу аеруча балаларга кагыла.

3 майда «Җиңү көне» бәйрәме уңаеннан «Тулган Ай» фольклор ансамбле Югары Утар балалар интернат-йорты тәрбияләнүчесе белән берлектә Лесхоз өлкәннәр һәм инвалидлар өчен  интернат-йортында яшәүчеләр өчен бәйрәм концерты оештырдылар. Аларның башкаруында матур җырлар һәм яхшы теләкләр яңгырады.

4 майда Кече Шыңар мәдәният йортында Шыңар авылының 500 еллыгына багышланган «Шәҗәрә ул - яшәү тантанасы, сулар һава, туфрак, газиз җир» дигән  шәҗәрә бәйрәме узды. Фойеда тематик күргәзмә оештырылган. Авыл тарихы, аның барлыкка килүе, мөһим тарихи фактлар һәм вакыйгалар турында сөйләделәр. Чара театральләштерелгән спектакльдән башланды, тамашачылар авылның килеп чыгышы турында күп кызыклы фактлар белделәр. Бәйрәмгә  Казан шәһәреннәң хөрмәтле кунаклар чакырылды, алар безнең авылның килеп чыгышын билгеләүче Кече Шыңар авылындагы борынгы кабер ташы турында сөйләделәр. Аннары Олы Шыңар авылы шәҗәрәсенең презентациясе белән "Ядкәр"генеалогия үзәге директоры һәм бүлек начальнигы чыгыш ясадылар. Үзешчән сәнгатьтә катнашучылар чараны үзләренең  матур чыгышлары белән бизәделәр. Бәйрәм бик  кызыклы һәм истәлекле  булып чыкты һәм озак вакыт һәркем күңелендә җылы хатирәләр булып сакланыр.  

6 майда Лесхоз урта мәктәбе укучылары «Георгий тасмасы» акциясенә кушылып, Бөек Ватан сугышы ветераннары каберләре коймаларына Георгий тасмаларын беркеттеләр.