ЯҢАЛЫКЛАР

Район үзәгендәге оешма-предприятие һәм  учреждениеләрдән агачлар утыртуда меңгә  якын  кеше  катнашты.

2017 нче елның 15 нче май көнендә район китапханәсендә Саба гимназиясенең беренче сыйныф укучылары ( класс җитәкчесе Галихуҗина Гөлназ Илнур кызы) катнашында “Минем гаиләм” дип аталган рәсем конкурсы узды. Конкурсны баш китапханәче Гарипова Алия Мөхәмәтнур кызы һәм ГХАТ бүлеге мөдире Шәйхетдинова Алсу Имаметдин кызы үткәрделәр. Балаларга истәлекле бүләкләр тапшырылды.

Сабаның 5 нче номерлы “Бәләкәч” балалар бакчасында “Яшь педагоглар мәктәбенең” 2016-2017 нче уку елының планы нигезендә “Физик сәламәтләндерүнең яңа алымнары” дип исемләнгән район семинары булып узды.