Район китапханәсенең уку залында “Сөембикә” клубының чираттагы утырышы

              24 январь көнне Район китапханәсенең уку залында “Сөембикә” клубының чираттагы утырышы булды. Россия печате көне булып узу уңаеннан, периодик басмалар турында сөйләшү дәвам ителде. Әңгәмәнең темасы: ““Гаилә һәм мәктәп” журналында - гаиләдәге тәрбия”. “Гаилә һәм мәктәп” журналы 2013 елның августыннан чыгарыла башлый, айга бер тапкыр килә. “Гаилә һәм мәктәп”нең төп миссиясе – ата-аналарга, әби-бабайларга, гомумән, үсеп килүче яшь буынны физик һәм рухи яктан сәламәт итеп күрергә теләүчеләргә төпле киңәш бирү, аларның тәҗрибә уртаклашуын оештырып җибәрү, журнал битләрендә белгечләр белән очраштыру. Журнал номерларына күзәтү ясалды: тышлыктагы “Йолдызлы гаиләләр”, баланың аңын үстерүдә ярдәмгә килүче уеннар турындагы кызыклы статьялардан өзекләр укылды.